• Web
  • Humsa
  • Videos
  • Forum
  • Q2A
rabia shakeel : meri dua hai K is bar imran khan app is mulk k hukmaran hun To: suman(sialkot) 5 years ago
maqsood : hi how r u. To: hamza(lahore) 5 years ago
alisyed : hi frinds 5 years ago
nasir : hi To: wajahat(karachi) 5 years ago
khadam hussain : aslamoalikum pakistan zinsabad To: facebook friends(all pakistan) 5 years ago
Asif Ali : Asalaam O Aliakum . To: Khurshed Ahmed(Kashmore) 5 years ago
khurshedahmed : are you fine To: afaque(kashmore) 5 years ago
mannan : i love all To: nain(arifwala) 5 years ago
Ubaid Raza : kya haal hai janab. To: Raza(Wah) 5 years ago
qaisa manzoor : jnab AoA to all 5 years ago
Atif : Pakistan Zinda bad To: Shehnaz(BAHAWALPUR) 5 years ago
khalid : kia website hai jahan per sab kuch To: sidra(wazraabad) 5 years ago
ALISHBA TAJ : ASSALAM O ELIKUM To: RUKIYA KHALA(JHUDO) 5 years ago
Waqas Hashmi : Hi Its Me Waqas Hashmi F4m Matli This Website Is Owsome And Kois Shak Nahi Humsa Jaise Koi Nahi To: Mansoor Baloch(Matli) 5 years ago
Gul faraz : this is very good web site where all those channels are avaiable which are not on other sites.Realy good. I want to do i..... 5 years ago
shahid bashir : Mein aap sab kay liye dua'go hon. 5 years ago
mansoor ahmad : very good streming 5 years ago
Dr.Hassan : WISH YOU HAPPY HEALTHY LIFE To: atif(karachi) 5 years ago
ishtiaque ahmed : best channel humsa live tv To: umair ahmed(k.g.muhammad) 5 years ago
Rizwan : Best Streaming Of Live Channels. Good Work Site Admin 5 years ago
فرعون رعمیسس سوئم کا سر قلم کیا گیا تھا
[ Editor ] 18-12-2012
Total Views:830
ماہرین نے ایک نئے فورینزک جائزے کے بعد بتایا ہے کہ مصر کے فرعون رعمیسس سوئم کا سازشیوں نے سر قلم کر دیا تھا۔

فرعون کی لاش کے پہلے سی ٹی سکین سے پتا چلا ہے کہ ان کی گردن پر گہرا زخم ہے جو جان لیوا ہو سکتا تھا۔
تحقیق سے حاصل ہونے والی تمام معلومات برٹش میڈیکل جرنل میں شائع کی گئی ہیں۔

یہ راز اس وقت سامنے آیا جب فرعون کی حنوط شدہ ممی کی گردن پر سے پٹی ہٹائی گئی جسے اب تک ممی کی حالت کے پیش نظر ہاتھ نہیں لگایا گیا تھا۔

اس سے پہلے رعمیسس سوئم کی ہلاکت کی معین وجہ معلوم نہیں تھی اور اس پر بحث اب تک جاری رہی ہے جس کے بارے میں اب امید ہے کہ پوشیدہ رازوں سے پردہ اٹھایا جا سکے گا۔

قدیم دستاویزات سے پتا چلتا ہے کہ رعمیسس سوئم کے حرم کے افراد نے انہیں محل میں برپا ہونے والی ایک بغاوت کے دوران قتل کرنے کی کوشش کی تھی۔

اس بارے میں کچھ واضح نہیں ہے کہ کیا یہ بغاوت کامیاب تھی یا نہیں کیونکہ کچھ کا کہنا ہے کہ یہ کامیاب تھی اور کچھ کے مطابق فرعونوں کے بیسویں خاندان کے دوسرے فرعون اس حملے سے بچ گئے تھے اگرچہ مختصر مدت کے لیے۔
س دور کے قدیم عدالتی دستاویزات سے ثابت ہوتا ہے کہ چار افراد کو مختلف عدالتی کارروائیوں میں سزا سنائی گئی تھی جن میں سے فرعون کی دو بیویاں بھی شامل تھیں۔ ان میں ایک بیوی کا نام تائی اور ان کے بیٹے شہزادہ پینتاوِر بھی شامل تھے جو ممکنہ ولی عہد بھی تھے۔

یہ بتایا جاتا ہے کہ رعمیسس سوئم کے کئی بیٹوں میں سے ایک پینتاوِر جو کہ اس بغاوت میں شامل تھے اور انہیں عدالت نے اس میں مجرم پایا جس کے بعد انہوں نے خود کشی کر لی۔

اس بارے میں اٹلی میں قائم انسٹیٹیوٹ برائے ممیز اور آئس مین کے ڈاکٹر البرٹ زنک نے مزید تحقیقات کیں جنہوں نے رعمیسس سوئم کی ممی کا جائزہ لیا۔

ڈاکٹر البرٹ زنک نے اس کے علاوہ ایک اور نامعلوم ممی کا بھی جائزہ لیا جو مصر میں بادشاہوں کی وادی کے علاقے میں سے ملی تھی اور اس کے بارے میں خیال کیا جاتا تھا کہ یہ شہزادہ پینتاوِر کی تھی۔

یہ تمام ممیاں قاہرہ کے عجائب گھر میں رکھی گئی ہیں جہاں ان کا سی ٹی سکین اور ڈی این اے ٹیسٹ کیا گیا تھا۔

رعمیسس کے سی ٹی سکین سے پتا چلا کہ ان کی گردن پر دو اعشاریہ سات انچ کا گھاؤ تھا جو ماہرین کے مطابق ایک تیز دھار آلے سے لگایا گیا تھا جس سے فوری ہلاکت ہو سکتی تھی۔

ڈاکٹر البرٹ زنک نے کہا کہ ’اب سے پہلے ہمیں رعمیسس سوئم کے بارے میں کچھ زیادہ نہیں پتا تھا ان کی ممی کا پہلے کئی بار جائزہ لیا گیا تھا اور اس کے ریڈیو گرافس بھی کیے گئے لیکن ان سے کسی قسم کی تکلیف کا اندازہ نہیں لگایا جا سکا تھا۔ انہیں اس قسم کے سی ٹی سکین تک رسائی نہیں تھی جیسی ہمیں ہے۔‘

ڈاکٹر البرٹ زنک نے کہاکہ انہیں بڑی حیرت ہوئی یہ جان کر مگر اس بات کا یقین نہیں ہے کہ ان زخموں سے ان کی ہلاکت ہوئی مگر وہ سمجھتے ہیں کہ ایسا ہی ہوا ہو گا۔ اسی طرح ان کے زخم میں ایک تعویز کے بھی آثار ملے جو شاید زخموں کو مندمل کرنے کے لیے استعمال ہوتا تھا۔

اسی طرح جس نامعلوم نوجوان کی لاش کا ڈی این اے ہوا اس کی عمر اٹھارہ سال کے قریب تھی اور وہ رعمیسس سوئم کا حقیقی رشتہ دار تھا اور تمام ممکنات کو اگر سامنے رکھا جائے تو وہ فرعون کا بیٹا شہزادہ پینتاوِر ہی ہے۔

ڈاکٹر البرٹ زنک کا کہنا ہے کہ ’ہمارے جینیاتی تجزیے سے یہ لازمی ثابت کیا جا سکتا ہے کہ دونوں قریبی رشتہ دار تھے۔ دونوں ایک ہی ’وائے‘ کروموسوم شئیر کرتے تھے اور دونوں کا جینیاتی مادہ ایسا ہی تھا جیسا کہ ایک باپ بیٹے کا ہوتا ہے۔‘

ڈاکٹر البرٹ زنک نے کہا کہ اس نوجوان کے جسم کا سینہ پھول چکا تھا اور ان کی جلد بہت دباؤ کا شکار تھی جس کے بارے میں ہمارا خیال ہے کہ یہ وفات کے بعد بھی ہو سکتا تھا مگر اس کی یہ بھی وجہ ہو سکتی ہے کہ انہیں گلا دبا کر ہلاک کیا گیا ہو۔

ڈاکٹر البرٹ زنک نے کہا کہ اس کی ممی کو ایک شاہی خاندان کے فرد کی ممی کی نسبت بہت برے طریقے سے دفن کیا گیا تھا جس سے یہ مراد لی جا سکتی ہے کہ انہیں ایک سزا کے طور پر دفن کیا گیا ہو۔

(بی بی سی نیوز)


About the Author: Editor
Visit 171 Other Articles by Editor >>
Comments
Add Comments
Name
Email *
Comment
Security Code *


 
مزید مضامین
ایک کروڑ سال قدیم بندر کی باقیات ڈومینکن ریپبلک میں گہرے پانی میں غوطہ خوری کے دوران ایک غار سے بندر کی ایک نایاب نسل کی باقیات ملی ہیں۔ سائنسدان ان باقایات کا معائنہ کر رہے ہیں۔ محقیقین کا کہنا ہے کہ یہ باقیات تقریباً تین ہزار سال .... مزید تفصیل
اسماعیلی اسماعیلی ، اہل تشیع کا ایک تفرقہ ہے جس میں حضرت امام جعفر صادق (پیدائش 702ء) کی امامت تک اثنا عشریہ اہل تشیع سے اتفاق پایا جاتا ہے اور یوں ان کے لیۓ بھی اثنا عشریہ کی طرح جعفری کا لفظ بھی مستعمل ملتا ہے .... مزید تفصیل
سعودی عرب کا قدیم ان دیکھا فن منظرِ عام پر امریکہ کے شہر واشگنٹن میں جاری ایک نمائش میں سعودی فن اور قابلیت کی ایک ان دیکھی شکل ظاہر ہوئی ہے جو خطے کی تہذیب اور تاریخی حیثیت میں انقلابی تبدیلی لائی ہے۔ چار سو برسوں سے ایک عام تاثر کے مطابق .... مزید تفصیل